«Էյ Թի Փի»-ի Առաքելությունը

«Էյ Թի Փի»-ի նպատակն է ծառերի միջոցով բարելավել հայ ժողովրդի կենսամակարդակն ու պահպանել շրջակա միջավայրը։ Մեր առաքելությունն իրականացնելիս առաջնորդվում ենք հետևյալ խնդիրներով. աջակցել մարդկանց և, առաջին հերթին կարիքավորներին, նպաստել նրանց ինքնաբավության մակարդակի բարձրացմանը՝ միաժամանակ պահպանելով բնական էկոհամակարգերը:

Արագ ստուգում

  • «Էյ Թի Փի»-ն կանաչապատել է ավելի քան 1200 համայնք
  • «Էյ Թի Փի»-ն Հայաստանի ամենախոշոր գործատուներից մեկն է և ունի 80 մշտական և 150 սեզոնային աշխատակից
  • «Էյ Թի Փի»-ն ծառատունկ է իրականացնում Հայաստանի բոլոր մարզերում, ներառյալ Արցախում
  • Ավելի քան 30000 աշակերտ և ուսուցիչ մասնակցել են «Էյ Թի Փի»-ի կրթական ծրագրերին
  • 1994թ. -ից սկսած «Էյ Թի Փի»-ն տնկել է ավելի քան 5700000 ծառ

Վերջին 25 տարվա ընթացքում «Էյ Թի Փի»-ն յուրացրել է Հայաստանում առողջ ծառեր տնկելու և աճեցնելու արվեստը և կատարելագործել երկրի բնական ռեսուրսների պահպանմանն ու բազմացմանն ուղղված հմտությունները: «Էյ Թի Փի»-ն ցուցաբերում է համապարփակ մոտեցում. այն է՝ մարդ-բնություն առողջ էկոհամակարգ ստեղծելու համար անհրաժեշտ է միավորվել բնության շուրջ, պաշտպանել և պահպանել այն:

«Էյ Թի Փի»- ն իր աշխատանքները կենտրոնացնում է մարդկանց և մոլորակի միջև սիներգիա ստեղծելու ուղղությամբ, ինչը էապես կարող է նպաստել Հայաստանի հողերի և շրջակա միջավայրի երկարաժամկետ կայունությունն ապահովելու գործընթացին: Այս մոտեցումը թույլ է տալիս հնարավորինս արդյունավետ օգտագործել մեր ռեսուրսները և ապահովել ծառերի բազմացման և կպչողականության բարձր մակարդակ:

Պատմական ակնարկ

«Էյ Թի Փի» բարեգործական հիմնադրամը ստեղծվել է 1994թ. -ին Քարոլին Մուգարի կողմից: Ծրագրի ստեղծման գաղափարը ծագել էր դեռևս 1992թ. -ին, երբ ձմռանը Հայաստան այցի ժամանակ նա ականատես էր եղել մի երևույթի, երբ մարդիկ իրենց բնակարանները ջեռուցելու համար կտրում էին հազարավոր ծառեր: Հայաստանի ապագայի մասին մտորումները հանգեցրին «Էյ Թի Փի»-ի ստեղծման գաղափարին, որը, որպես ծրագիր, սկզբնական շրջանում կազմավորվել էր Ամերիկայի հայկական համագումարի շրջանակում:

Առաջին ծառատունկը իրականացվեց Նորքի հաշմանդամների և տարեցների խնամքը տուն ինտերնատի տարածքում: Այդ տնկումից հետո, գիտակցելով վստահելի մատակարարման աղբույրներից առողջ և որակյալ ծառեր ստանալու կարևորությունը, «Էյ Թի Փի»-ն շտապ ձեռնարկեց Խաչփառ և Կարին տնկարանների հիմնադրումը: Փախստականներով վերաբնակեցված այս երկու գյուղերը ընտրվել էին բերրի հողեր ունենալու, ինչպես նաև Արցախյան պատերազմի ընթացքում այստեղ հաստատված նորաբնակ ընտանիքներին աշխատանքով ապահովելու համար:

Տարիներ շարունակ «Էյ Թի Փի»-ի առանցքային ծրագրերից մեկի՝ Համայնքային ծառատունկի շնորհիվ Հայաստանի բոլոր մարզերի ավելի քան 1200 տեղամասում, այդ թվում նաև Արցախում, տնկվել են հարյուր հազարավոր ծառեր: Պտղատու ծառերի մեծ մասը տրամադրվում են գյուղաբնակ ընտանիքներին, իսկ դեկորատիվ ծառերը հիմնականում տնկվում են Հայաստանի ամենահայտնի տուրիստական տեսարժան վայրերի տարածքներում, ինչպիսին են Խոր Վիրապը, Նորավանքն ու Տաթեւի վանական համալիրը:
Գիտակցելով բնապահպանների նոր սերունդ ձևավորելու կարևորությունը՝ «Էյ Թի Փի»-ն 2004թ. -ին մեկնարկեց բնապահպանական կրթություն ծրագիրը:  Նույն ժամանակաշրջանում Հիմնադրամը  թողարկեց նաև Հայաստանում առաջին անգամ լույս տեսնող «Միտք սերմանի՛ր, ծառ տնկի՛ր» բնապահպանական կրթության ձեռնարկն ու հիմնադրեց Մայքլ և Վիրջինիա Օհանյանների անվան բնապահպանական կրթության կենտրոնները Կարին և Մարգահովիտ գյուղերում: Մինչ այժմ այս ծրագիրը ներկայացվել է շուրջ 300 դպրոցում: Ավելին, շուրջ 32000 աշակերտ մասնակցել է Օհանյան բնապահպանական կենտրոններում անցկացվող դասընթացներին:  Աշակերտներից բացի մինչ օրս մեր կրթական կենտրոններում վերապատրաստվել են նաև Հայաստանի և Արցախի շուրջ  1622 ուսուցիչ: Մեր կրթական բաժնի թիմը նաև ուսումնական այցեր է կազմակերպում բազմաթիվ դպրոցներ:

Միտք սերմանի՛ր, ծառ տնկի՛ր

Ի թիվս Համայնքային ծառատունկի, «Էյ Թի Փի»-ն երկրի հյուսիսում սկսեց իրականացնել անտառվերականգնման աշխատանքներ: Միրաք ընտանիքի անվան անտառվերականգնման տնկարանը բացվեց Մարգահովիտ գյուղում, որտեղ անտառային ծրագրերի շրջանակում բազմացվում են հարյուր հազարավոր ծառեր: Այս ծրագրերի շնորհիվ կյանքի են կոչվում ավերված գյուղական և քաղաքային տարածքները՝միաժամանակ տեղաբնակներին ապահովելով ռեսուրսներով և շահագրգռելով նրանց բարելավել իրենց շրջապատող բնական միջավայրը: Անտառվերականգնման ծրագրի ամենահաջողված և ամենահին ծրագրերից մեկը Լոռու մարզում տնկված Հրանտ Դինքի հիշատակի անտառն է:

«Էյ Թի Փի»-ն կյանքի է կոչել նաև միկրո-ձեռնարկատիրությունների վրա հիմնված տնամերձ տնկարանների ծրագիրը, որը Եվրախորհրդի կողմից արժանացել է «Energy Globe» հանուն կայունության հեղինակավոր մրցանակին: Այս ծրագրի շրջանակում շահառու ընտանիքներին տրամադրվում են սերմեր, որոնք խնամվում և հետագայում տեղափոխվում են մոտակա տնկման տեղամասերում վերատնկելու համար: Շահառուները աճեցված տնկիների դիմաց վճարվում են Հիմնադրամի կողմից: Ներկայումս ծրագրի մեջ ընդգրկված են Քեթի, Մարգահովիտ և Աղավնավանք համայքներից շուրջ 40 ընտանիք որոնց համար այս ծրագիրը հավելյալ եկամտի աղբյուր է հանդիսանում:

Քանի որ «Էյ Թի Փի»-ն ներկայումս սկսել է ընդլայնել իր տնկումների ծավալները երկրի հարավային շրջաններում ևս, անհրաժեշտություն է առաջացել տնկել այնպիսի ծառատեսակներ, որոնք հարմարեցված կլինեն տվյալ տարածաշրջանի կլիմայական պայմաններին: «Էյ Թի Փի»-ի Չիվա գյուղում հիմնված նոր տնկարանը գտնվում է Հայաստանի գինեգործության օրրան հանդիսացող Վայոց Ձորի մարզում:

«Էյ Թի Փի» բարեգործական հիմնադրամը ավելի քան 25 տարի է, ինչ ջանքեր չի խնայում ծառերի միջոցով բարելավել հայ ժողովրդի կենսամակարդակն ու պահպանել շրջակա միջավայրը։ Մեր առաքելությունն իրականացնելիս առաջնորդվում ենք հետևյալ խնդիրներով. աջակցել մարդկանց և, առաջին հերթին կարիքավորներին, նպաստել նրանց ինքնաբավության մակարդակի բարձրացմանը՝ միաժամանակ պահպանելով բնական էկոհամակարգերը:

Կարևոր իրադարձություններ

Carolyn Mugar on the importance of &lsqu...

Annual Report: 25 Years of Sustaining, E...

19 Mar, 2019

Կարդալ Ավելին

Donate to the ATP Annual Appeal Today

01 Jan, 2018